მანქანის რეცხვა სახლის პირობებში: დეტალური სახელმძღვანელო

მანქანის სისუფთავე არა მხოლოდ ესთეტიკურ სიამოვნებას გვანიჭებს, არამედ ხელს უწყობს მისი საღებავისა თუ სხვა დეტალების ხანგრძლივ დაცვას. სახლის პირობებში მანქანის რეცხვა შეიძლება იყოს მარტივი, თუ სწორ მეთოდებს იყენებთ და შესაბამის აღჭურვილობას ფლობთ. 

ამ სახელმძღვანელოში დეტალურად განვიხილავთ მანქანის რეცხვას სახლის პირობებში, მაღალი წნევის აპარატის გამოყენებასა და მძიმე ჭუჭყის მოშორების ხერხებს.

ამასთან, თუ მანქანა ჯერ კიდევ არ გყავთ, გახსოვდეთ, რომ მისი შეძენა  მოგო ლიზინგის მეშვეობითაა შესაძლებელი. 

მანქანის ხელით რეცხვა

საჭირო ინვენტარი:

• 2 სათლი (ერთი სუფთა, მეორე – საპნიანი წყლისთვის);
• სპეციალური ავტოშამპუნი (pH-ნეიტრალური);
• რბილი ღრუბელი ან მიკროფიბერის ხელთათმანი;
• მიკროფიბერის ტილო გასაშრობად. 

ნაბიჯები:

1. ბაღის სარწყავი მილის გამოყენებით, თქვენს ავტომობილს ზედაპირზე არსებული მტვერი მოაშორეთ;
2. შეავსეთ ერთი სათლი სუფთა წყლით, მეორე კი - შამპუნიანი ნაზავით;
3. დაიწყეთ რეცხვა – პირველ რიგში, გაწმინდეთ მანქანის ზედა ნაწილები და თანდათან ქვემოთ ჩამოჰყევით. გამოიყენეთ საპნიანი ღრუბელი, რომელსაც რეგულარულად, სუფთა წყალში ჩაალბობთ.
4. კვლავ გამოიყენეთ სარწყავი მილი, რომ ავტომობილზე არსებული ქაფი სრულად ჩამორეცხოთ.
5. მიკროფიბერის ტილოს დახმარებით, ფრთხილად გაამშრალეთ მანქანის ზედაპირი, წყლის ლაქები რომ არ დარჩეს.

გარდა ამისა, ადგილი, სადაც თქვენს ავტომობილს გარეცხავთ, აუცილებლად ჩრდილში უნდა იყოს. მნიშვნელოვანია, რომ დაღვრილმა წყალი არ ატალახდეს, ხოლო ქიმიურმა საშუალებებმა ნარგავები და ყვავილები არ დააზიანოს (არსებობის შემთხვევაში). რეცხვამდე მანქანის ძარა უნდა გაგრილდეს, ვინაიდან ცხელ ძარაზე მისხმულ შამპუნს ნაკლები ეფექტი აქვს.

მანქანის რეცხვა მაღალი წნევის აპარატის მეშვეობით

საჭირო მასალა:

• მაღალი წნევის სარეცხი აპარატი;
• სხვადასხვა საცმი (25° ან 40° ავტომობილისთვის);
• ქაფის სპრეი (Foam Cannon) ან შამპუნიანი ნარევი;
• მიკროფიბერის ტილო გაშრობისთვის;

ნაბიჯები:

1. წინასწარი მომზადება – წნევის აპარატით მთლიანად დაასველეთ მანქანა, რათა ჭუჭყი მარტივად მოშორდეს.
2. ქაფის დატანა – თუ გაქვთ ქაფის სპრეი, მანქანას მიასხურეთ და რამდენიმე წუთს დაელოდეთ, რომ ჩამჯდარი ჭუჭყი დარბილდეს.
3. ჩამორეცხეთ ქაფი და ჭუჭყი, მანქანის ზედა ნაწილიდან ქვემოთ.
4. გასაშრობად გამოიყენეთ მიკროფიბერის ტილო, რათა წყლის ლაქები თავიდან აიცილოთ.

როგორ გავწმინდოთ მანქანა მძიმე ჭუჭყისაგან

თუ მანქანაზე დაგროვილია ტალახი, ფისი, მწერების ნარჩენები, ღრმად ჩამჯდარი ჭუჭყი, საჭიროა მისი უფრო ინტენსიური წმენდა.

საჭირო რეკვიზიტები:

• სპეციალური წმენდის საშუალებები (მაგ. ფისისა და მწერების მოსაშორებელი სპრეი);
• რბილი ჯაგრისი ან მიკროფიბერის ტილო;
• Clay Bar - თიხა, რომელიც ღრმად ჩამჯდარ მტვერს ეფექტურად აცილებს. 

რატომ გვჭირდება მანქანის რეგულარული რეცხვა?

მანქანის რეგულარული რეცხვა ხელს უწყობს ესთეტიკური იერის ხანგრძლივ შენარჩუნებას, კოროზიისგან მის პრევენციას. 

რა სიხშირითაა რეკომენდებული მანქანის რეცხვა?

მანქანის რეცხვა სასურველია კვირაში ან ორ კვირაში ერთხელ, თუმცა გარემოპირობებიდან გამომდინარე (ტალახი, მტვერი), შეგიძლიათ, პროცედურების სიხშირე გაზარდოთ. 

როდის არის საუკეთესო დრო მანქანის გასარეცხად?

გირჩევთ, მანქანა დილით ადრე ან საღამოს  გარეცხოთ, რათა თავიდან აიცილოთ წყლის წვეთების ლაქებად გარდაქმნა. ანუ, ავტომობილი მზეს მოარიდეთ. 

რა უნდა გავითვალისწინოთ, თუ მაღალი წნევის სარეცხი აპარატი გვაქვს?

გამოიყენეთ შესაფერისი საცმი (არაუმეტეს 25-40°-იანი), მოერიდეთ წნევის პირდაპირ მიმართვას საღებავისა და რეზინის დეტალებზე და პროცესში ავტომობილისგან  დისტანცია ყოველთვის დაიცავით.

მანქანის სახლში რეცხვა არა მხოლოდ ეკონომიურია, არამედ საშუალებას გაძლევთ, სრულად გააკონტროლოთ პროცესი და დაიცვათ თქვენი ავტომობილის სისუფთავე.