რომელი მირჩევნია: მოტოციკლეტი თუ ავტომობილი?

როცა საქმე პირად ტრანსპორტს ეხება, მოტოციკლეტსა და ავტომანქანას შორის არჩევანის გაკეთება ხშირი დილემაა. ორივე ვარიანტს აქვს თავისი უნიკალური უპირატესობა თუ ნაკლოვანება, ხოლო გადაწყვეტილება, საბოლოოდ, დამოკიდებულია ინდივიდუალურ საჭიროებებზე, ცხოვრების წესსა და ხელმისაწვდომ რესურსებზე. 

ამ სტატიაში განვიხილავთ ძირითად ფაქტორებს, რომელიც სჯობს, გავითვალისწინოთ, როცა ამ ორ პოპულარულ სატრანსპორტო საშუალებას შორის არჩევანს ვაკეთებთ.

1. ხარჯი: მოტოციკლეტების ერთ-ერთი ყველაზე მნიშვნელოვანი უპირატესობა, ავტომობილებთან შედარებით, მისი დაბალი ღირებულებაა. მოტოციკლეტებს, როგორც წესი, შესასყიდად ნაკლები თანხა სჭირდება, საწვავის მოხმარებისა თუ სერვისისთვის. ეს კი, მათ უფრო ხელმისაწვდომ ალტერნატივად აქცევს მათთვის, ვისთვისაც ხარჯების ეკონომია პრიორიტეტულია.
   
   
2. კომფორტი და პრაქტიკულობა: მოტოციკლეტების მძღოლებს ტრაფიკში უფრო სწრაფად და ადვილად გადაადგილების შესაძლებლობა აქვთ, მაგრამ ავტომობილების მძღოლებისთვის მანქანას მაინც უფრო მრავალფეროვანი სარგებელი აქვს: მეტი სივრცე მგზავრებისა თუ ტვირთისთვის, გადაადგილების სიმარტივე ნებისმიერ  გარემოპირობებში, უსაფრთხოების უფრო სრულყოფილი სისტემები.
   
   
3. გარემოზე ზემოქმედება: მოტოციკლეტები, როგორც წესი, ავტომობილებთან შედარებით, საწვავს ეფექტურად მოიხმარენ, რაც ნაკლები გამონაბოლქვითა და ნახშირბადის უფრო მცირე კვალის უპირატესობით გამოიხატება. თუმცა მნიშვნელოვანია, გავითვალისწინოთ, რომ ჰაერის დაბინძურებას მოტოციკლეტების გამონაბოლქვიც  იწვევს. გარემოზე მათი ზემოქმედება დამოკიდებულია ისეთ ფაქტორებზე, როგორიცაა: ძრავის ზომა და ტრანსპორტის მდგომარეობა.
   
   
4. სიამოვნება და მართვის გამოცდილება: მოტოციკლეტის მართვა მხოლოდ ერთი პუნქტიდან მეორემდე გადაადგილებას არ გულისხმობს. ეს ხომ თავგადასავლებით სავსე გამოცდილებაა, რომელსაც ადრენალინი და თავისუფლების განცდა მოაქვს. თუმცა აქვე, ავტომობილის მძღოლების არჩევანიც გასაგებია, როცა გრძელ გზაზე ამ ტრანსპორტის მართვა უფრო კომფორტული, მოსახერხებული და არანაკლები სიამოვნების მომგვრელია.
   
   
5. უსაფრთხოების საკითხები: ზოგადად, გავრცელებულია აზრი, რომ მოტოციკლეტი არცთუ უსაფრთხო ტრანსპორტია და მისი მართვა დიდ რისკებს უკავშირდება. თუმცა შესაბამისი აღჭურვილობით, უსაფრთხოების ზომების გათვალისწინებითა და პასუხისმგებლობიანი მართვით, ამ რისკების მინიმიზაცია ხდება. თუმცა მაინც, ავტომობილთან შედარებით, გაუთვალისწინებელი შემთხვევის დროს, დაზიანების რისკი მოტოციკლეტის მძღოლისთვის უფრო მაღალია.
   
   
6. ამინდი და რელიეფი: მოტოციკლეტი უფრო პრეტენზიული ტრანსპორტია, ავტომობილთან შედარებით, რომელსაც ამინდის, რელიეფის შერჩევა სჭირდება კომფორტული, სასიამოვნო და უსაფრთხო გადაადგილებისთვის.  

საბოლოოდ, მოტოციკლეტსა და ავტომობილს შორის არჩევანი დამოკიდებულია ინდივიდუალურ პრეფერენციებზე. ვისთვისაც მნიშვნელოვანია დაბალი ხარჯი, საწვავის ეფექტურობა და ცოტა ექსტრემიც, მოტოციკლეტი მისთვის სწორი არჩევანი იქნება. იმ შემთხვევაში, თუ კომფორტი, პრაქტიკულობა და უსაფრთხოებაა თქვენი ძირითადი კრიტერიუმები და თან ოჯახიც გყავთ, ან ხშირად გიწევთ მოგზაურობა თუ საცხოვრებელი ადგილის შეცვლა, ავტომობილი ნამდვილად თქვენთვისაა. 

თუ საკმარისი ფინანსები არ გაქვთ, შეგიძლიათ, მიმართოთ Mogo-ს და ისარგებლოთ კომპანიის მოტო- ან ავტოლიზინგის სერვისით. გთხოვთ, ეწვიოთ კომპანიის ვებგვერდს და შეავსოთ განაცხადი მოტოციკლეტის ან ავტომობილის ლიზინგზე.